Lea dábálaš ahte olbmos leat sihke positiiva ja negatiiva jurdagat go máná galgá oažžut. Leage rabas ja geavat áiggi iežat jurdagiidda ja dovdduide vai šattat oadjebasabut ja eanet ráhkkanan váhnenrollii.
Jus du mielas eallin lea erenoamáš váttis, de muital dan soapmásii. Don čájehat givrodaga go jearat veahki. Don sáhtát oažžut buori veahki ja bagadallama dearvvašvuođabargiin.
Áhpehisvuođas dávjá oažžu iešguđet dovdduid ja jurdagiid. Dainna ráhkkanat iežat nu ahte dus lea heivehanmunni ja dus lea rievdadanvejolašvuohta. Ná sáhtát ođđa máná vuostáiváldit rabas ja buori vugiin. Lea dábálaš ahte olbmos leat iešguđetlágan dovddut - eai dušše positiiva vuordámušat ja illu. Muhtimiidda sáhttá áhpehisvuohta buktit sihke váivves ja lossa jurdagiid. Muhtimat vásihit ahte ovddeš lossa vásáhusat bohciidit ja váldet badjelasaset jurdagiid ja dovdduid. Dat sáhttet ovdamearkka dihte leat dáhpáhusat iežas mánnávuođas, mas ii vásihan oažžume dan fuola maid dárbbašii, dahje givssideami, buozanvuođa, veahkaválddálašvuođa, gárrendili dahje oktovuođa vásáhusat. Dákkár muittut sáhttet dovdot vel váddáseabbon ja hearkkibun go ieš galgá šaddat váhnemin. Muhtumin váilo buorit rollamodeallat iežaset bajásšaddamis. Dalle sáhttá leat gáibideaddji oaidnit iežas váhnenrollas.
Muhtimiidda sáhttet boahtit lossa jurdagat ja dovddut; dovdá ahkitvuođa, veajuhisvuođa, guorosvuođa, váilevaš ilu ja ii atte meinnega. Dát sáhttá čuohcat nai idjanahkáriidda. Soaitá fuolastuvvat vel eanet go dat čadno jurdagii ahte fargga lea ovddasvástádus unna mánážii. Nissonolbmuin ja dievdduin sáhttet leat veaháš goabbatlágan vuogit reageret dakkár dovdduide. Nissonat sáhttet geassádit ruovttoluotta ja šaddet passiivvalažžan - soitet gaskkohagaid čierrut. Dievdduin sáhttet diekkár jurdagat ja dovddut muhtomin leat veaháš earáláganat. Dievddut soitet reageret eanet duskkástuvvamiin, duššástuvvamiin ja suhtuin. Sáhttá leat lossat šaddat dahje leat aittošaddan váhnemin go dakkár jurdagat, dovddut ja reakšuvnnat bohciidit.
Muhto dieđát go, áhpehisvuohta lea dakkár áigi mas leat buorit vejolašvuođat ahtanuššamii ja rievdamii. Leat ollugat geain leat iešguđetlágán jurdagat ja dovddut. Don ii leat áidna olmmoš! Áhpehisvuođafuolas dus lea vejolašvuohta oažžut buriid ságastallamiid dan birra maid don jurddašat - dahje don ja du guoibmi - jurddašeahppi. Jus du mielas eallin lea erenoamáš lossat, de ale fal čiegat dan. Áhpehisvuođadikšu galgá heivehuvvot ovttaskasolbmo dárbbuide. Dat mearkkaša ahte jus dus lea veaháš lossa dilli, de sáhttá jorttamovra várret liigeáiggi humadit duinna. Jorttamovra ja doavttir sáhttiba maid veahkehit du dehe din oažžut oktavuhtii eará fágajoavkkuiguin - ovdamearkka dihte psykologain dehe bearašterapevttain. Juohkit vásáhusaid ja veaháš bargat iežainis sáhttá dahkat du oadjebasabun ja eambbo ráhkkanan váhnenrollii.
Veahkki lea maid oažžumis maid go mánná šaddá. Jus dovddat iežat šlundon, váivahuvvan, álkibut duskkástuvat dahje guhkit áigge badjel it gierdda nu ollu, de soaitá áigi bivdit veahki!
Movt du dilli lea váikkuha olles bearrašii. Lea lunddolaš mokta veaháš rievddada. Jus vásihat du eallimis váilu illu, dahje dovddat go iežat guhkit áigge leamaš šlunddas, váivvis, jieris dahje duskkástuvvon, de soaittát dárbbašit veahki. Sihke dievddut ja nissonat sáhttá šaddat lossamillii, sihke ovdal ja maŋŋel go mánná riegáda. Don it leat goassege okto!
Dán siiddu sisdoallu lea ráhkaduvvon ovttas Kristin Hålandain, jorttamovra ja Stine Sofie Vuođđudusa ráđđeaddi. Hålandas lea doavttirgráda veahkaválddis áhpehisvuođa oktavuođas.
