Tips 2
RAERIE 2: Soptsesth dov vuartoej bïjre
Orre maana jïjnjh orre åssjaldahkh, domtesh jïh vuartoeh buakta. Soptsesth dan bïjre dov mïelehkinie, hoksebarkijinie jallh mubpiejgujmie mejtie leajhtedh.
Soptsesth mïsse datne aavodh jïh mestie agkaldallh. Ussjedh guktie datne sïjhth tïjjem joekedidh barkoen, fuelhkien jïh jïjtjedh tïjjen gaskem. Dåtnoeh gööktesh mah eejhteginie sjïdteden? Soptsestidien vuartoej bïjre juktie buerebe ektesne laavenjostedh.
Maanam vuertedh, voestes aejkien jallh jis båarasåbpoe maanah åådtjeme, dellie daamtajommes aavoem jïh vuartoeh åtnah. Seamma tïjjen aarkebiejjie varki båata, jïh tjoerh badth varki balansem gaavnedh gaskem eejhtegh aadtjen sjïdteme, mejtie båarasåbpoe maanah hïejmesne, jïh seamma tïjjen buektehth barkojne, voelpigujmie jïh fuelhkine gaskesadtedh. Mejtie datne oktegh jallh dåtnoeh gööktesh, dle vihkeles ussjedidh jïh soptsestidh vuartoej bïjre, jïh gaavnehth guktie datne maahtah dov jieledem bööremeslaakan sjïehteladtedh akten orre maanetjinie.
Doh ellen jeanatjommesh mah maanam voestes aejkien vuertieminie, gieltegsvoetem demtieh. Dotnen din naan åssjelh gie dïhte onne almetje, guktie edtja dåemiedidh jïh gïen plearoeh. Sïejhme dovne aavoedidh jïh agkaldalledh, sjïere gosse baersieldimmie geatskeneminie. Aaj sïejhme tjidtjie gonnoeh aehtjieh jallh paarrebielieh joekehtslaakan fokusem utniejægan boelhken åvtelen slïedte biejjiem vuajna. Soptsesth dov åssjeli jïh domtesi bïjre mah jijhtieh dov staeriesdåaktarinie, tsegkietnine jallh healsoeskïemtjesåjhterinie. Jïh eeremes: Soptsestidien sinsitnine åssjeli jïh vuartoej bïjre dan båetijen aejkien. Juktie saatnan, ij jielede jarkelh - dïhte eevre jeatjahlaakan sjædta.
Jïlhts dov joe leah maanah, maahta orre maana dååjredh goh stoerre jarkelimmie . Varki åajaldahtah guktie lea slïedtine gåetesne mij abpe tïjjem geerve almetjem daarpesje. Jïlhts joe baersieldamme jïh dan tïjjen mænngan aarebi dååjrehtamme, læjhkan jeatjahlaakan gosse daelie mubpie maana gåetesne. Sïejhme maanah ovmessie vuartoeh utnieh guktie lea onneåabpam jallh onnevïellem åadtjodh. Soptsesth maanine dej aamhtesi bïjre, jïh vaestedh eensilaakan dan gyhtjelasside. Bööremes abpe fualhkan gosse gaajhkesh hijvenlaakan ryöjredamme ovmessie
Tïjje goh maanetjen eejhtegh lea gieltegs, mohte aaj fuehpies jïh krïevije. Sïejhme dovne aavoedidh jïh kråvvadidh. Ij naan fasite gååvnesh, men jis vuartoej bïjre soptsesth dellie sååjhtoe datne vielie ryöjredamme sjïdth.
Sisvege daennie sæjrosne lea evtiedamme aktene laavenjostosne psykolåågespesialiste Anders Dovran jïh psykolååge jïh faagetjåadtjoehtæjja Stian Tobiassen, dah Stine Sofie Jarngen barkijh.
