Tips 4
RAERIE 4: Darjoeh Oh shit-soejkesjem
Jielede goh maanetjen eejhtegh haestemh buakta. Darjoeh soejkesjem guktie datne ryöjredh maam maahtah gïerve tsiehkine darjodh, jïh gïem maahtah viehkien mietie gihtjedh.
Vuerkehth mestie raessesne sjïdth, vuesiehtimmien gaavhtan vaenie beapmoeh jallh vaenie åeredh. Darjoeh jïh nuhtjh Oh-shit-soejkesjem, mij jeahta maam byörh krïevije tsiehkine darjodh, jïh gie maahta datnem viehkiehtidh jis viehkiem daarpesjh.
Datne sïjhth krïeveles tsiehkieh dåastodh gosse maanam åadtjoeh, bene jis ryöjredamme, maahtah aelhkebe dejtie haalvedh. Jis ussjedh tsiehkiej bïjre mah maehtieh jijhtedh - åvteli dah båetieh - dellie maahtah aktem soejkesjem darjodh guktie edtjh darjodh. Fïerhte maana jïh fïerhte eejhtege joekehts, men såemies haestemh mahte gaajhkh dååjrehtieh. Slïedte njyjhke, vaenie åeredh, jïjjegåårtese jïh orre aarkebiejjie orre dïedtine krïevije gellide mah aadtjegh eejhtegh sjïdteme. Ih maehtieh gaajhkem sjïehteladtedh, bene mijjieh gegkiestibie mijjen 10 buerie raerieh maehtieh dutnjien ånnetji vielie daajroem vedtedh jïh naan jearsoes jïh hijven raerieh åadtjodh gosse datne gïerve tsiehkine tjabreminie. Vuesiehtimmien gaavhtan maahtah vielie lohkedh man åvteste slïedte njyjhke jïh maam maahtah darjodh dellie raerie 5 viehkine. Årroeh eerlege, jïh gihtjh raerien jïh viehkien mietie jis ih daejrieh!
Naan geerve almetjh maehtieh måarahtovvedh gosse eah byöpmedh, jïh jeatjah daarpesjieh jïjnjh åeredh jis edtjieh bööremeslaakan tråjjadidh. Vihkeles daam eensilaakan gïetedidh jïh soejkesjidh gosse galkh byöpmedidh, guktie ih åajeldh byöpmedidh jïh aaj nuekies åeredh. Voerkes sjïdtedh jïjtjedh vaahrasignaalijste gosse datne rassesne destie maahtah hijven veeljemh darjodh åvteli dah domtesh datnem nahkasjieh. Dagkerh vaahrasignaalh maehtieh vuesiehtimmien gaavhtan årrodh jis ih åerieh eensilaakan gellie biejjiej, jolle krïevenassh jïjtsasse maam tjabreminie illedh, jïjnjh tæjmoeh beapmoej namhtah, jallh ih bååhperosth, hujnies jallh hujnesne damth guhkiem. Jis datne naemhtie damth jallh vuajnah dov paarrebielie tjomperdeminie lea vihkeles dan bïjre soptsestidh, viehkien mietie gihtjedh jïh viehkiem dåastodh. Jïjnjh almetjh dam demtieh, jïh maahta jïjnjh hijven viehkieh jïh bïhkedimmieh tjïelteste åadtjodh.
Naan aejkien leah gaajhkem dorjeme maam maahteme juktie maanetjem viehkiehtidh, mohte læjhkan dïhte ajve njyjhke. Daate tsiehkie maam almetjh joekehtslaakan tööllieh; naaken buektiehtieh raeffiem tjåadtjoehtidh, mearan mubpieh gaajh håjnoes sjidtieh, raessesne jallh måeresne. Dagkerh domtesh maehtieh darjodh gïerve tjïelkelaakan ussjedidh. Jis maanetjem jallh jeatjabidie dellie måarahtovvh jallh håjnohth dellie destie maahta alvas skaaram darjodh. Dannasinie hijven jis soejkesjem åtnah guktie edtjh dåemiedidh gosse naemhtie sjædta. Ij guhte mijjeste seammalaakan, jïh joekehts mij mijjem jaskehtahta jïh gïem sïjhtebe viehkien mietie gihtjedh. Dan åvteste fïereguhte mijjeste tjuara mijjen jïjtjemh persovneles, tjïelke jïh praktihkeles Oh shit-soejkesjem dievhtedh, juktie ryöjredibie guktie mijjieh raessiem jïh frustrasjovnem haalvedh. Dam gaavnh dan vuelelen.
Datne aaj Oh shit-soejkesjem gaavnh sæjrojne 26 jïh 27 dennie eejhtegegærjesne maam healsoejarngesne åadtjoeh.
Jis datne væhtide damtejh åvtelen datne raessesne, dellie aelhkebe reaktoelaakan veeljedh åvtelen domtesh datnem stuvrieh.
Sisvege daennie sæjrosne lea evtiedamme laavenjostosne Tone Emilie Løvjomås Spinnanger, sjïerebåehtjierdæjja jïh faageraeriestæjja Stiftelsen Stine Sofie.
